O Dênâ ch’öriæ… - Claudio Burelli la Poesia in Genova

Sito di poesie di Claudio Burelli
la Poesia in Genova
Vai ai contenuti

O Dênâ ch’öriæ…

Vernacolo


O Dênâ ch’öriæ…

Öriæ inte questo scuo argentòu,
vedde e stelle da-o manto fatòu,
fanni che luxan da-a seia a-a matin,
perché coscì s’aseunne ògni banbin.
Creuvi de luxe o scuo do mondo,
coscì che l’ amô o fasse ritorno,
lascia te prego inti paixi e çitæ,
solo sorisi pe mamæ e papæ.
E pöi passa a-o seu cheu da-a vixin,
la dove dorme quello biondo picin,
vegnuo a-o freido chi in sciâ tæra,
pe fâ nasce paxe dove gh’é goæra.

Claudio Burelli
Zena  24  Novembre 2016

Torna ai contenuti