A museca d’a mamma
- VERNACOLO
A museca d’a mamma
Pe certi cose e propio grazie a te
‘o munno è cchiù ciancioso e saje pecché?
Sì jonta ca arrefonne e porta l’acqua
quaterna ca te regne ‘a capa stracqua
urchesta ca nun sona maje patacche…
‘A vita cu te ainto è nu ricamo
luntano a chistu munno stritto e nfamo.
Ogge nun dico niente e me suppuorte
n’o saccio ma pe’ me sì casciaforte
museca ca m'arape tutt'e porte.
Grazie a sta mamma a sciorta è na signora
into a stu tiempo malepavatore!
Urdema e primma fronna ‘a cchiù gentile
giglio ca va sguiglianno ‘o mese ‘e abbrile
canzone ca te sona sempe ll'ora.
Luntano ‘a te è carcere stu juorno
c'o sole ca me gira attuorno-
Ai voglia ‘e te danna' scusenno o’ core
nun c’è bisogno e’ ave’ nu cusetore:
ogge e pe’ sempe sona e canta ammore!
Claudio Burelli
Genova 2 Novembre 2019